2018 թվականի փետրվարի 8-ին և 9-ին <<Դպրոց-կենտրոնների միություն>> իրավաբանական անձանց միությունը Երևանի և ՀՀ բոլոր մարզերի դպրոց-կենտրոնների տնօրենների համար իրականացրեց <<Դպրոց-կենտրոննների միության և ՀՀ ԿԳՆ կրթության տեսչական մարմնի համագործակցության ուղղությունները>> թեմայով հանդիպում և <<Դասալսման հարցաթերթիկին ներկայացվող պահանջները>> թեմայով սեմինար-քննարկում ՀՀ ԿԳՆ կրթության տեսչական մարմնի ղեկավար Ալեքսանդր Շագաֆյանի հետ: Սեմինար-հանդիպմանը ելույթով հանդես եկան <<Դպրոց-կենտրոնների միություն>> իրավաբանական անձանց միության նախագահ, ԱԺ պատգամավոր Ռուզաննա Մուրադյանը, ՀՀ ԿԳՆ կրթության տեսչական մարմնի ղեկավար Ալեքսանդր Շագաֆյանը, Երևանի քաղաքապետարանի հանրակրթության վարչության պետ Աննա Ստեփանյանը, ԿԳՆ հանրակրթության վարչության պետ Աշոտ Արշակյանը և այլոք: Նախքան հանդիպումն իրականացնելը դպրոցները ներկայացրել էին իրենց կողմից մշակված դասալսման հարցաթերթիկի նմուշ-օրինակներ, որոնք դիտարկվել են Ալեքսանդր Շագաֆյանի կողմից: Սեմինար-քննարկմանը Ալեքսանդր Շագաֆյանի կողմից ներկայացվեց տեսչական մարմնի կողմից մշակված հարցաթերթիկը, որի շուրջ իրականացվեցին քննարկումներ և դիտարկումներ, առաջարկվեց ստեղծել աշխատանքային խումբ՝ հարցաթերթիկը բարելավելու նպատակով: