2018 թվականի փետրվարի 15-16-ը «Դպրոց-կենտրոնների միություն» իրավաբանական անձանց միությունը Davtian International միջազգային կազմակերպության հետ նոր համագործակցության շրջանակներում իրականացնում է «Ձեռնարկատիրական մտածողության զարգացում» թեմայով երկօրյա վերապատրաստման դասընթաց ավագ դպրոցների համար։ Դասընթացը վարում էր Davtian International միջազգային կազմակերպության հիմնադիր Դավիթ Դավթյանը, որին մասնակցում էին ՀՀ բոլոր մարզերի ավագ դպրոցների ուսուցիչներ և աշակերտներ։ Դասընթացին բացման խոսքով հանդես եկավ Դպրոց-կենտրոնների միության նախագահ, ԱԺ պատգամավոր Ռուզաննա Մուրադյանը։ Կնքվեց համագործակցության հուշագիր «Դպրոց-կենտրոնների միություն» իրավաբանական անձանց միության և Davtian International միջազգային կազմակերպության միջև։ Դասընթացի արդյունքում մասնակիցները կստանան վերապատրաստողի վկայական և հետագայում կիրականացնեն վերապատրաստումներ այլ ուսուցիչների համար: