«Դպրոց-կենտրոնների միություն» իրավաբանական անձանց միության առաջարկով ս/թ. մայիսի 27-ին Արարատի մարզի Արտաշատ քաղաքի Հովհ. Թումանյանի անվ. թիվ 2 հիմն. դպրոցում տեղի ունեցավ զեկուցում` նվիրված Հայաստանի առաջին հանրապետության անկախացմանը: Այն պատրաստել էր դպրոցի դաստիարակչական աշխատանքների կազմակերպիչ Սյուզաննա Գևորգյանը` մասնագիտությամբ պատմաբան:
Որպես հանդիսատես ներկա էին 8-րդ դասարանի աշակերտները; Պատահական չէր հենց այդ դասարանի ընտրությունը, քանզի մայիսի 19-ին նրանց դասարանում տեղի ունեցավ բաց դաս << Մենք հպարտ ենք, որ …>> թեմայով:
Զեկուցումը հագեցած էր պատմական տեղեկություններով.
Մանրամասն ներկայացվեց անկախության առաջացման պատճառներն ու նախադրյալները, խոսվեց նորանկախ հանրապետության իշխանական երեք մարմինների / օրենսդիր, գործադիր, դատական/ մասին, խորհրդանիշերի նշանակության և դերի մասին: Շեշտադրում կատարվեց մայիսյան հերոսամարտերում հայ ժողովրդի տարած հաղթանակների, նրա միահամուռության վրա, որի շնորհիվ էլ մենք այսօր ապրում ենք ազատ, անկախ Հայաստանում: