«Դպրոց կենտրոնների միություն» իրավաբանական անձանց միության, «Կրթություն առանց սահմանի» հասարակական կազմակերպության և ՀՀ Մշակույթի նախարարության աջակցությամբ իրականացվող §Ազգային հպարտություն¦ խորագրով ծրագրի շրջանակներում հայտարարվել էր պաստառների մրցույթ, որը կրում էր «Ես հպարտ եմ, որ...» խորագիրը: Մրցույթի մասին հայտարարությունը ուղարկվեց Մասիս քաղաքի բոլոր դպրոցներին, որտեղ ուսուցիչները աշակերտների հետ կատարեցին մեծ նախապատրաստական աշխատանք, անցկացվեցին դասեր Ազգային հպարտություն թեմայով: Մայիսի 22-ին ՀՀ Արարատի մարզի Մասիս քաղաքի դպրոց – կենտրոնում՝ Մ. Մաշտոցի անվան թիվ 1 հիմնական դպրոցի դահլիճում եռուզեռ էր: Ամփոփվում էին պաստառների մրցույթի արդյունքները: Կազմակերպված էր հանդիպում Մասիսի փոխքաղաքապետ Ստեփան Հովհաննիսյանի հետ, որին մասնակցեցին Մասիս քաղաքի բոլոր 6 դպրոցներից ընտրված աշակերտներ, ծրագրին աջակցող ուսուցիչներ, համայնքի ներկայացուցիչներ: Հանդիպում անցավ շատ հետաքրքիր և նպատակային: Մասիս քաղաքի Մ. Մաշտոցի անվան թիվ 1 դպրոցի ուսուցչուհիներ Ա. Սաղումյանը և Կ. Գալստյանը հանդես եկան «Մշակույթ», «Արժեքներ», «Ծեսեր», «Խորհրդանիշեր» խորագրերը կրող զեկուցումներով: Մասիսի փոխքաղաքապետ Ստեփան Հովհաննիսյանը պատասխանեց աշակերտներին հետաքրքրող բազմաթիվ հարցերի: Վերջում ներկայացված պաստառներից ժյուրիի կողմից ընտրվեցին 4 պաստառներ՝ հանրապետական փուլին ներկայացնելու համար: Այդ հանդիպումը ազգային հպարտություն ձևավորող և դաստիարակող, ազգային արժեհամակարգ զարգացնող լավագույն դաս էր դեռահասների համար: