«Դպրոց-կենտրոնների միություն» իրավաբանական անձանց միության դրամաշնորհային ծրագրի շրջանակներում` 2014 թվականի հունիսի 23-ին Սուրենավանի միջնակարգ դպրոցում մեկնարկեց «Քաղաքացիական առաջնորդություն» ճամբարը: Ճամբարի առօրյան իր բովանդակությամբ ու բազմազանությամբ վարակել է ոչ միայն մասնակիցներին, այլև համայնքի ներկայացուցիչներին: Ամենուր գոհունակ դեմքեր են: Այս դրամաշնորհային ծրագիրը աշակերտներին հնարավորություն տվեց ոչ միայն կտրվել ամառային տոթ ու տապից և առաջնորդի հմտություններ ու կարողություններ ձեռք բերել, այլև բացահայտեց մի շարք շնորհալիների, որոնք մինչ այժմ առանձնապես չէին փայլում դպրոցական առօրյայում: Բանիմաց և հմուտ ջոկատավարների շնորհիվ ճամբարայիններն արդեն հասցրել են վեր հանել Սուրենավան, Արմաշ և Երասխ համայնքների հիմնախնդիրները, ստեղծել են իրենց երկիրն ու մշակույթը: Հետաքրքիր իրադարձությունները դեռ առջևում են: