Արմավիրի մարզի Մյասնիկյանի Արայի անվան միջնակարգ դպրոց- կենտրոնում 2014 թվականի սեպտեմբերի 4-ին տեղի ունեցավ սեմինար պարապմունք` Բաղրամյանի տարածաշրջանի դպրոցների տնօրենի ուսումնական աշխատանքների գծով տեղակալների համար` «Չափորոշչի պահանջների կատարման գնահատումը՝ սովորողների գիտելիքների թվանշանային գնահատման արդյունքների վրա» թեմայով:
Ներկաներին սեմինարի աշխատակարգին  ծանոթացրեց  Մյասնիկյանի  Արայի անվան միջնակարգ դպրոցի տնօրեն  տկն Զ. Հովհաննիսյանը` մասնակիցներին մաղթելով հաջողություններ ողջ ուսումնական տարվա ընթացքում։
Սեմինար պարապմունքն անցկացրեց  Մյասնիկյանի Արայի անվան միջնակարգ դպրոցի հայոց լեզվի և գրականության մեթոդական միավորման  նախագահ Լիլիթ Պետրոսյանը։Նա  հանգամանորեն բացատրեց  և ներկաներին ծանոթացրեց  Ծաղկաձորում ստացած գիտելիքները ։
Սեմինարի  ընթացքում ներկայացվեց  թեմատիկ պլան կազմելու մոդել, որը հաշվի է առնում չափորոշչային պահանջը, դասի մեջ չափորոշչային պահանջի կատարումը գնահատելու համար հարցեր կազմելու մեթոդներ, որոնք հիմնված են գործող գնահատման մեթոդաբանության վրա, դասի պլան կազմելու ռազմավարություն, որն իր հիմքում ունի չափորոշչային պահանջները կատարելու նպատակ: 
Ուսումնական աշխատանքների գծով տեղակալները նշեցին,որ ձեռք բերված գիտելիքների շնորհիվ կկարողանան գնահատել դպրոցի առարկայական մասնախմբերի  կողմից  կազմված թեմատիկ  պլանների  որակը,  դրանց  համապատասխանությունը չափորոշիչներին և ծրագրին, թեմատիկ պլանի կատարողականը: