«Դպրոց-կենտրոնների միություն» իրավաբանական անձանց միության առաջարկով Արմավիրի Ա. Եղոյանի անվ. ավագ դպրոցը կազմակերպեց միջոցառում նվիրված ՀՀ անկախության 23-րդ տարեդարձին: 
«Լեգենդն ասում է, թե Հայաստանում Արարատը մեղր ու կաթ է ծորել, արևն այստեղից է լուսավոր»:Այս խոսքերով սկսվեց «Դրախտավայր Հայաստան» միջոցառումը` նվիրված Հայաստանի անկախության 23-րդ ամյակին: Տոնականորեն զարդարված դահլիճ,բարձր տրամադրությամբ հանդիսատես, պատասխանատվության զգացումով բեմ բարձրացած մասնակիցներ… 
Հպարտ քայլքով աշակերտները ներս բերեցին ՀՀ պետական դրոշը, ապա հնչեց ՀՀ հիմնը:
Մեր ժողովրդի բազմադարյան պատմությունը աշակերտների շուրթերից հնչեց նորովի, նոր երանգներով, նոր սպասելիքներով… 
«Ես հպարտ եմ, որ հայ եմ,որ ՀՀ քաղաքացի եմ»,-կարմիր թելի նման այս միտքն է ձգվում ողջ միջոցառման ընթացքում:
Երգ, պար, ասմունք, գեղեցիկ խոսք… պատմություն և իրականություն…
Պետական մտածողության զարգացմանը միտված միջոցառումը վարակեց հանդիսատեսին, որը դարձավ նաև միջոցառման ակտիվ մասնակից: