«Դպրոց-կենտրոնների միություն» իրավաբանական անձանց միության առաջարկով 2014թ. սեպտեմբերի 19-ին Չարենցավանի Ամենայն Հայոց Կաթողիկոս Վազգեն Ա-ի անվան N 3 հիմնական դպրոցում տեղի ունեցավ ՀՀ անկախության 23 տարելիցին նվիրված միջոցառումներ.
ա. «Ծնու´նդդ շնորհավոր վերածնված Հայաստան….» խորագրով միջոցառում.
բ. «Փառապանծ անկախության նվաճումներ» խորագրով վահանկի ձևավորում.
գ. «ՀՀ պետական խորհրդանիշեր» կնոդիտում. 
Միջոցառումը կազմակերպել էր դպրոցի դաստիարակչական աշխատանքների կազմակերպիչ Վիոլետա Բադալյանցը: Միջոցառումը սկսվեց հանդիսավոր տողանով,ռազմագիտության ուսուցիչ Հ.Սաֆարյանի հրամանով ներս բերվեց ՀՀ պետական դրոշը ,այնուհետև հնչեց պետական օրհներգը: Աշակերտները իրենց երգով ,պարով,հայրենասիրական շնչով լցրեցին բակը, հնչեցին հայրենիքին նվիրված երգեր,պարեցին ազգային պարեր՝ «Թամզարա»,«Ծաղկաձոր»: Դպրոցի շնորհալի աշակերտները դհոլի նվագակցությամբ երգեցին հայրենասիրական երգեր: Անկախության տոնը ևս մեկ անգամ աշակերտների մեջ արթնացրեց հայրենասիրական ոգին՝ հավատացնելով, որ մենք ունենք հոյակապ երկիր,որի շարժիչ ուժը հենց ժողովուրդն է: Միջոցառումը ավարտվեց հայկական բանակի «Երազ իմ երկիր» օրհներգով: