«Դպրոց-կենտրոնների միություն» իրավաբանական անձանց միության առաջարկով սեպտեմբերի 22- ին Մեծ Մասրիկի միջնակարգ դպրոցում տեղի ունեցավ «Անկախ Հայաստանը 23 տարեկան է» խորագրով միջոցառում: Ազատ ապրելու իրավունքն ամենամեծ պարգևն էր, որ տվեց մեզ անկախությունը: Անկախ 23- ամյա դժվարություններին և կորուստներին` անկախությունն այն ամենամեծ ձեռքբերումն է, որը նվաճել ենք 1991 թվականից ի վեր: Անկախությունը մեզ հեշտությամբ չի տրվել և այսօրվա անկախության համար պետք է շնորհակալություն հայտնենք նրանց, ովքեր հանգչում են Եռաբլուրում: Միջոցառման սկզբում աշակերտները ներկայացրեցին ` ինչպես Հայաստանի Հանրապետության գերագույն խորհուրդը հռչակեց Հայաստանի Հանրապետությունը անկախ պետություն: Ընթացքում խոսեցին մեր երկրի պետական խորհրդանիշների նշանակության մասին, հնչեցին երգեր, բանաստեղծություններ , խոսքեր, որոնք աշակերտների շուրթերից այնքան սիրով էին հնչում, որ ներկաներից շատերը հուզվել էին: Մասնակիցները ներկայացրեցին նաև «Իմ անունը Հայաստան է» պարը: Իսկ վերջում հերոսաբար երդում տվեցին. «Չընկրկել երբեք ու չերերալ, Տառապանքի դեմ միշտ հպարտ մնալ, Եվ ողջ կյանքում պայքարել միայն Հանուն հայրենյանց սուրբ ազատության, Նրանց նպատակն էր ` հաղթել անընդմեջ, Նշանաբանը ` պայքար մինչև վերջ»: Այնուհետև երգ- բեմադրությամբ ապացուցեցին, որ իսկապես իրենց համախմբվածությամբ պայքարելու են մինչև վերջ: Շնորհավո՛ր բոլորիս անկախության տոնը, թող հարատև լինի Հայաստանի Հանրապետության անկախությունը: