Արդեն 10 տարի է ինչ Մովսես Խորենացու անվան թիվ 17 դպրոցը ղեկավարում է ԹամարաՍաղաթելյանը: Այդ առիթով դպրոցում տեղի ունեցավ մեծ միջոցառում, որն անակնկալ էր տնօրենի համար: Միջոցառումը պատրաստել էին ծնողները, աշակերտները և ուսուցչական ողջ կոլեկտիվը: Միջոցառմանը ելույթ ունեցան դպրոցի ուսուցիչներ, մեթոդմիավորման նախագահներ, ծնողներ: Ցերեկույթի ընթացքում դպրոցի շնորհալի աշակերտները հանդես եկան համերգային համարներով:
Իր աշխատանքային 10 տարիների ընթացքում Թամարա Սաղաթելյանըն արժանացել է բազմաթիվ պատվոգրերի և շնորհակալագրերի, դարձել սիրված տնօրեն կոլեկտիվի կողմից, աչքի ընկել կրթության համակարգում որպես հմուտ ու փորձառու մանկավարժ:
Այս 10 տարվա ընթացքում ձեռքբերումներն այնքան շատ են, որ անհնար է բոլորը հիշել: Ինչ – որ բաներ մոռացվել են,բայց շատ պահեր մնում է մեր դպրոցի հիշողության և պատմության մեջ:
2004թ-ին Վանաձորի թիվ 17 միջնակարգ դպրոցը դարձավ ատկիվ համայնքային դպրոց: 
2010 թ-ին Վանաձորի թիվ 17 միջն. դպրոցը վերակազմակերպվեց 
ԿԳՆ –ի «Վանաձորի Մովսես Խորենացու անվան N17 ավագ դպրոց» ՊՈԱԿ: 
2013թ-ին դպրոցն ընդգրկվել է «Դպրոց-Կենտրոնների միություն» իրավաբանական անձանց միության կազմում: