2014 թվականի հոկտեմբերի 23-25-ը ք. Երևանի Գ. Էմինի անվ. հ. 182 ավագ դպրոցում տեղի ունեցավ «Դպրոց-կենտրոնների միություն» ԻԱՄ-ի կողմից կազմակերպված եռօրյա սեմինար «ՏՀՏ նորագույն ծրագրերի և էլեկտրոնային գրատախտակի կիրառումն ավագ դպրոցում» թեմայով: Սեմինարին մասնակցում էին ՀՀ բոլոր մարզերի ավագ դպրոցների բնագիտական մասնախմբի ուսուսուցիչներ: Նրանք ծանոթացան էլեկրոնային գրատախտակի հնարավորություններին, գործիքաշարին, մեթոդներին: Ինչպես նաև ձեռք բերեցին նոր գիտելիքներ, կարողություններ ու հմտություններ՝ ուղղված դասապրոցեսում էլետրոնային գրատախտակի արդյունավետ օգտագործմանն ու առարկայան թեստերի պատրաստմանը:

Սեմինարի ընթացքում մասնակիցներին ուսուցանվեց հետևյալ ծրագրերը՝ SMART NOTEBOOK 11 ծրագրի տեղակայումը, գործիքաշարը, հնարավորությունները, համացանցի միջոցով նյութերի շտեմարանի  ավելացումը,  MS POWER POINT-ի  հետ կապը, ֆորմատի  փոփոխությունները և այլ ծրագրեր:

Սեմինարի մասնակիցները փաստեցին այս դասընթացի կարևորությունը և ցանկություն հայտնեցին, որ իրենց մասնագիտական զարգացմանն ուղղված նմանատիպ սեմինարները, դասընթացները, քննարկումները լինեն շարունակական: Մասնակիցները նշեցին, որ սեմինարի ընթացքում ձեռք բերված գիտելիքները կփոխանցեն իրենց դպրոցների մանկավարժներին՝ աջակցելով նրանց դասապրոցեսում ՏՀՏ նորագույն ծրագրերն ու էլեկրոնային գրատախտակի հնարավորություններն արդյունավետ օգտագործելու համար: