Հոկտեմբերի 31-ին Հայաստանի մարզերի դպրոցների հետ համագործակցության շրջանակներում «Դիակոնիա» բարեգործական կազմակերպության աջակցությամբ Լ. Միրիջանյանի անվան հ. 155 հիմնական դպրոցը հյուրընկալեց Տավուշի մարզի Չինարի գյուղի գյուղապետին, միջնակարգ դպրոցի աշակերտներին և ուսուցիչներին: Դպրոցը նրանց դիմավորեց մեծ ոգևորությամբ: Հյուրերը շրջեցին դպրոցում, ծանոթացան դպրոցի առօրյային: Այցելեցին գրադարան, որտեղ մասնակցեցին հայոց լեզվի դաս սեմինարին և դիտեցին դպրոցի 40 ամյակին նվիրված ֆիլմը: 
Դահլիճում դիտեցին «Երևանն իմ տունն է» խորագրով ներկայացում: Հյուրընկալությունն ամփոփվեց գեղեցիկ հյուրասիրությամբ: Այնուհետև դպրոցի աշակերտները և ծնողները նրանց հանձնեցին իրենց պատրաստած նվերները:
Օրվա ավարտին հյուրերը դպրոցի պատմության ուսուցիչների ուղեկցությամբ այցելեցին Երևանի պատմության թանգարան:
Հույս ունենք, որ երկու դպրոցների միջև կնքված բարեկամական կամուրջը հիմք կլինի ամուր և հաստատուն համագործակցության: