Ն. Ս. Օ. Տ. Տ. Գարեգին Բ Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Քրիստոնեական դաստիարակության կենտրոնը /ՔԴԿ/ ՀՀ Կրթության և գիտության նախարարության հետ համատեղ ՀՀ հանրակրթական դպրոցներում մեկնարկել է Ավետարանական առակների բացատրության հանրապետական մրցույթը, որի շրջանակներում Սուրենավանի միջնակարգ դպրոցում նոյեմբերի 7-ին ներկայացվեց «Անառակ որդու առակը»: Միջոցառմանը հրավիրված էին Արարատի հոգևոր հովիվ Տեր Դավիթ քհն. Սահակյանը, Վեդի քաղաքի հոգևոր հովիվ Տեր Հովակիմ քհն. Հարությունյանը և Արարատի տարածաշրջանի ՔԴԿ պատասխանատու Մինաս Հովակիմյանը: Միջոցառման ընթացքում ամբողջովին բացատրվեց առակի գաղափարը ու խոսվեց վերջինիս արդիական նշանակության մասին: Խոսուն էր հատկապես սալիկահանդեսը: Հանձնախմբի ուշադրությունն առանձնապես գրավեց աշակերտների ճկուն ու գրագետ խոսքը: Միջոցառման վերջում ամփոփիչ խոսքով հանդես եկավ ՀԵՊ ուսուցչուհի Նաիրա Զեյնալյանը: Նրա խոսքը շարունակեցին հանձնախումբն ու տնօրեն Վալյա Ավետիսյանը: Միջոցառումը կայացավ: Մասնակիցները անհամբեր սպասում են արդյունքներին: