ՀԻՍՈՒՍԻ «ՍԵՐՄՆԱՑԱՆԻ ԱՌԱԿԸ» ԲԵՄԱԴՐՈՒԹՅՈՒՆԸ ՎԱՐԴԵՆԻՍԻ Հ. 4 ՀԻՄՆ. ԴՊՐՈՑՈՒՄ
Մայր Աթոռ Սուրբ Էջմիածնի քրիստոնեական դաստիարակության կենտրոնը նախաձեռնել է ավետարանական առակների ուսուցումը հայ դպրոցում, որի նպատակն է ամրապնդել հոգևոր կրթությունն ու դաստիարակությունը մատաղ սերնդի մեջ: Կենտրոնի կազմակերպած մրցույթին այսօր ներկայացավ ՀՀ Գեղարքունիքի մարզի Վարդենիսի N 4հիմնական դպրոցը:
Ներկայացվեց Հիսուսի «Սերմնացանի առակը»։ Աշակերտները նախ մեկնաբանեցին միջոցառման ասելիքը`թեման, այնուհետև բեմականացրեցին առակը: Համեմատեցին իսկական առակը մեր կյանքում հաճախ հանդիպող երևույթների հետ:Գեղեցիկ ու աստվածաշնչային ոգուն հարազատ ձևավորված բեմում, նույնքան աստվածաշնչային ոգուն հարազատ հանդերձանքով դպրոցի տարբեր դասարանների տարբեր տարիքի աշակերտներն են, որոնք ոչ միայն բեմականացնում էին «Սերմնացանի առակը», այլև տալիս էին առակի՝ մեր ժամանակին համահունչ ու բովանդակային մեկնաբանություններ:Մրցույթ-միջոցառումն ուղեկցվում էր շարականներով և «համեմված» էին դասական երաժշտությամբ:
Աշակերտների կատարումներն անկաշկանդ էին, անթերի ու տպավորիչ :
Այն կազմակերպել և կյանքի է կոչվել հայոց լեզվի և գրականության մեթոդեթոդական միավորման նախագահ՝ բազմաշնորհ ուսուցչուհի՝ Լիա Գևորգյանի, դպրոցի դասվար , շնորհալի բեմադրիչ՝ Լուսինե Բզնունու, անմիջական մասնակցությամբ և օգնությամբ:
Մրցույթի գնահատող հանձնախմբի անդամներն էլ իրենց գովեստի խոսքերն ուղղեցին դպրոցին` անչափ հետաքրքիր բեմականացման համար` ընդգծելով, որ այսպիսի սեղմ տևողությամբ առակի ներքո այսպիսի բեմականացում չէին կարող անգամ ակնկալել:
Ավետարանական առակները պատշաճորեն ներկայացնելու և մրցույթի դպրոցական փուլը բարձր մակարդակով կազմակերպելու համար կազմակերպչին և աշակերտներին շնորհակալություն հայտնեցին տնօրեն Ա.Սահակյանը,Վարդենիսի հոգևոր հովիվ, արժանապատիվ քահանա Տեր-Տարոն Հունանյանը,ինչպես նաև
ՀՀ Գեղարքունիքի մարզպետարանի աշխատակազմի կրթության բաժնի գլխավոր մասնագետ՝ Տիգրան Օհանյանը
Վարդենիսի քաղաքապետարանի աշխատանքի և սոցիալական/կրթություն, մշակույթ և սպորտ/ բաժնի պետ՝Սուսաննա Բարսեղյանը։
Բոլորը ծափահարեցին հոտնկայս, բոլորը տպավորված էին. շատերի աչքերում անթաքույց հուզմունք կար:
