2014թ.դեկտեմբերի 4-ին Նորավանի միջնակարգ դպրոցում կյանքի կոչվեց մի նախագիծ. ավագ դպրոցի աշակերտները բանավիճելու էին հայ գրականության ամենասկանդալային ստեղծագործության` Շ. Շահնուրի «Նահանջը առանց երգի» վեպի շուրջ: Աշակերտները ներկայացրին վեպը, վեպի կառուցվածքը, սյուժեն, կերպարներին: Այնուհետև բանավիճեցին վեպում արծարծված ազգային և ոչ ազգային խնդիրների շուրջ: Հատկանշական էին աշակերտների համարձակ կարծիքները, նրանց սահուն խոսքը, հարցերի յուրովի մեկնաբանությունը: Գնալով ավելի էր թեժանում մթնոլորտը. Տեղի ունեցավ կարծիքների բախում, մտքերի անհամաձայնություն, և այդ ամենը պատշաճ հարթության վրա: Տրամադրող էր դասարանի կահավորումը, որտեղ ցայտուն կերպով պատկերված էր երկու աշխարհների հակադրումը: Նմանատիպ միջոցառումները դրականորեն են անդրադառնում աշակերտների աշխարհայացքի զարգացմանը, նրանց ինքնուրույնաբար մտածելու կարողությանը: Դասը կազմակերպել էր հայոց լեզվի և գրականության ուսուցչուհի Լ.Յուքինյանը: