2014թ. դեկտեմբերի 10-ին «Դպրոց-կենտրոնների միություն» ԻԱՄ-ի գրասենյակում տեղի ունեցավ կլոր-սեղան քննարկում՝ նվիրված Մարդու իրավունքների պաշտպանության միջազգային օրվան: Քննարկմանը մասնակցում էին «Դպրոց-կենտրոնների միություն» ԻԱՄ-ի անդամ հանդիսացող դպրոցների տնօրեններ:

Յուրաքանչյուր տոնին ընդառաջ «Դպրոց-կենտրոնների միություն» ԻԱՄ-ի աշխատանքային խումբը մշակում և միության ցանցի անդամ դպրոցներին է ներկայացնում ուսումնական նյութերի փաթեթ իրենց և քլաստերի մյուս դպրոցներում միջոցառումներ իրականացնելու համար: Մարդու իրավունքների պաշտպանության միջազգային օրվա կապակցությամբ դեկտեմբերի 10-17-ը «Դպրոց-կենտրոնների միություն» ԻԱՄ-ի կողմից հայտարարվեց մարդու իրավունքների պաշտպանության շաբաթ:

«Դպրոց-կենտրոնների միություն» ԻԱՄ-ի նախագահ, ԱԺ պատգամավոր Ռուզաննա Մուրադյանը մասնակից դպրոցների տնօրեններին ներկայացրեց ԴԿՄ-ի կողմից մշակված սալիկահանդեսը, որը որպես մեթոդական աջակցություն տրամադրվեց դպրոց-կենտրոններին մարդու իրավունքների պաշտպանության միջազգային օրվա կապակցությամբ միջոցառումներ իրականացնելու համար: 

«Դպրոց-կենտրոնների միություն» ԻԱՄ-ի և դպրոց-կենտրոնների կողմից կազմակերպված բոլոր միջոցառումները տեղադրվում են կազմակերպության վեբ-կայքում՝ լուսաբանելով դպրոց-կենտրոնների ակտիվ գործունեությունն ու իրականացրած միջոցառումները: