Ամանորին նվիրված ցերեկույթներ անցկացվեցին Գավառի N5 հիմնական դպրոցի I-IV դասարաններում:
Յուրօրինակ էր I դասարանի (դասվար Ա. Սաֆարյան) ցերեկույթը: Այն անցկացվեց ծնողների հետ համագործակցային մեթոդներով: Միջոցառումը հագեցած էր գեղեցիկ կատարումներով՝ երգում, պարում, ասմունքում էին և՜ ծնողները, և՜ աշակերտները: Մասնակցեցին նաև ուսուցիչները, նրանք պատասխանեցին աշակերտների հարցերին, լուծեցին նրանց առաջադրած հանելուկները:
Հետաքրքիր անցավ նաև III դասարանի (դասվար Օֆ. Կոտոլկյան) միջոցառումը: Երեխաները ներկայացրին ձմեռն իր բոլոր հետաքրքիր պահերով, շնորհավորեցին բոլորի Ամանորը և բարի մաղթանքներ հղեցին ուսուցիչներին, ծնողներին, տատիկներին ու պապիկներին:
VI դասարանի (դասղեկ Ել. Չիչոյան) աշակերտները նույնպես շատ հետաքրքիր ու բովանդակալից ցերեկույթ անցկացրեցին: Նրանք բեմականացրին «Սպասում» և «12 ամիս» փոքրիկ ու գողտրիկ ներկայացումները՝ նվիրված Ամանորին: