2015 թվականը Կարբիի միջնակարգ դպրոցը դիմավորեց հետաքրքիր ու բովանդակալից բաց դասով: Դասն անցկացրեցին 4-րդ բ դասարանի աշակերտները, դասվար Լ. Ավետիսյանը:
Թեման Ամանորն էր. լի մանկական պարզ ու մաքուր, զգացմունքային երազանքներով ու ցանկություններով:
Աշակերտներն իրենց նախաձեռնությամբ զարդարել էին տոնածառը, ձևավորել էին դասասենյակը: Հրավիրված էին ուսուցիչներ և ծնողներ: Հագոստներն ու տրամադրությունը տոնական էր:
Աշակերտները մեծ ոգևորությամբ արտասանում էին բանաստեղծություններ՝ նվիրված ձմռանը, առաջին ձյանը, Հիսուսին, պատմում էին իրենց տպավորությունների և զգացումների մասին: Անդրադարձ կատարեցին նաև աշխարհի տարբեր երկրներում անցկացվող Սուրբ Ծննդյան տոներին, նրանց առանձնահատկություններին և խորհուրդներին, միաժամանակ ներկայացրեցին, թե ինչպես են իրենց տանը դիմավորում Ամանորը: 
Դասը պարբերաբար ընդմիջվում էր դասվարի գեղեցիկ խոսքով, ընթացքում հնչում էր մեղմ երաժշտություն, կատարվում էին գեղեցիկ երգեր և պարեր: Աշակերտներն իրենց խոսքով, երգ ու պարով կարողացան տոնական տրամադրություն հաղորդել հրավիրվածներին և ստիպեցին հավատալ Ամանորի հրաշքին: Դա նրանց հաջողվեց, որբ կարդացին գեղեցիկ բացղիկների վրա գրված նամակները ուղղված Ձմեռ Պապիկին: 
Ի դեպ բացիկների պատրաստումը և ձևավորումը նույնպես իրենց ձեռքի աշխատանքն էր: Աշակերտները խոսում էին հետաքրքիր, համոզիչ, զգացմունքային: Նրանց մեջ կար հավատ գեղեցիկ ապագայի նկատմամբ, որի իրականացմանը պետք է օգնեն բարի փերիներն ու հրեշտակները: