2015թ.-ի հունվարի 23-ին դպրոցում տեղի ունեցավ «Պատանի երկրապահ» ակումբի բացման արարողություն: Ներկա էին բազմաթիվ հյուրեր ԵԿՄ-ից, Կենտրոնի զինկոմիսարիատից, Կենտրոն ԵԿՄ բաժանմունքի ներկայացուցիչներ, ծնողներ: 
Բացման արարողությունը սկսվեց դպրոցի «Պատանի երկրապահ» ակումբի սենյակի բացմամբ: Դպրոցի դահլիճում ողջույնի խոսքով ելույթ ունեցավ տնօրեն Ռուզաննա Ալավերդյանը, ով կարևորեց ակումբի բացման դերն ու նշանակությունը սովորողների հայրենասիրական դաստիարակության խթանման գործում: Ելույթ ունեցան ՀՀ ԵԿՄ պատանի երկրապահի կառույցի պատասխանատու գեներալ-մայոր Սամվել Սաֆարյանը, Կենտրոն ԵԿՄ բաժանմունքի նախագահ Ռ. Նազարեթյանը, ՀՀ Մարտական խաչի I աստիճանի ասպետ, լեգենդար հրամանատար Միքայել Անդրեասյանը, ՀՀ ԵԿՄ վարչության անդամ, կրթության և մշակույթի հանձնաժողովի նախագահ, պրոֆեսոր Հ. Պատրիկյանը, դպրոցի հասարակագիտության ուսուցչուհի Ա. Հովսեփյանը: 
Դպրոցի տնօրեն Ռ. Ալավերդյանը իր կատարած հայրենանվեր աշխատանքի համար ՀՀ ԵԿՄ վարչության նախագահ գեներալ-լեյտենանտ Մանվել Գրիգորյանի կողմից պարգևատրվեց «Հայաստանի երկրապահ» հուշամեդալով, իսկ դպրոցի զինղեկ Կ. Թումոյանը՝ պատվոգրով: 
Պարգևատրման արարողությանը հաջորդեց ռազմահայրենասիրական գեղեցիկ միջոցառում՝ դպրոցի աշակերտների մասնակցությամբ: Վերջում ակումբին անդամակցվել ցանկացող աշակերտները ներկայացրին իրենց դիմումները դպրոցի տնօրենին: Պահը հուզիչ էր և խոստումնալից: