Նորավանի միջնակարգ դպրոցում կազմակերպվեց տարաբնույթ միջոցառումների շարք` Բանակի տոնին ընդառաջ: Ավագ դպրոցի աշակերտները դպրոցի տնօրենի գլխավորությամբ ուղարկեցին նամակներ դպրոցի նախկին սաներին, որոնք ծառայում են հանրապետության տարբեր զորամասերում: Դպրոցի 9 և 12 դասարաններում անցկացվեց շարադրության մրցույթ`«Մեր բանակը» խորագրով: Հաղթող աշակերտները պարգևատրվեցին համայնքապետի կողմից: Անցկացվեց նաև նկարչական մրցույթ դպրոցի բոլոր դասարանների միջև` «Մեր բանակը մեր ուժն է» խորագրով: Ապշեցուցիչ էր երեխաների երևակայության թռիչքը ներկայացրել էին և՛իրենց ձեռքի աշխատանքները և՛նկարչական կոմպոզիցիաներ` խորիմաստ ևբովանդակալից: Այս աշխատանքները կպարգևատրվեն ֆեյսբուքյան քվեարկությամբ: Եվ այս տոնական ձեռնարկումների շարքը ամփոփվեց Բանակի տոնին նվիրված միջոցառմամբ: Աշակերտները մեծ խանդաղատանքով ներկայացան միջոցառմանը` դահլիճին հաղորդելով հայրենասիրական ոգի և բարձր տրամադրություն: Նմանատիպ միջոցառումներն իրենց բարերար կնիքն են դնում աշակերտների ռազմահայրենասիրական դաստիարակության վրա: