Հայկական բանակը 23 տարեկան է: Ամեն տարի հունվարի 28-ին բոլոր հայերը միահամուռ ու գեղեցիկ շքերթով, մեծ տոնակատարությամբ նշում են հայոց բանակի ծննդյան տոնը` դրանով իսկ հիշեցնելով թշնամիներին, որ հայ ազգը հզոր և անպարտ է, քանի դեռ ունի այսպիսի հզոր բանակ ու քաջ զավակներ:
Տոնակատարությանը անմասն չմնաց նաև Վանաձորի Մովսես Խորենացու անվան N17 ավագ դպրոցը:
Բանակի օրվա կապակցությամբ դպրոցում տոնական տրամադրություն էր տիրում: Դպրոցում կայացավ համադպրոցական հանդիսավոր տողան` նվիրված հայկական բանակի կազմավորման 23-րդ տարելիցին: Միջոցառման ընթացքում աշակերտները ներս բերեցին ՀՀ պետական դրոշը, հնչեց ՀՀ օրհներգը: Տողանին մասնակցում էին նաև Լոռու մարզի փոխմարզպետ Արսեն Դարբինյանը և երկրապահ կամավորական միության անդամներ:
Բանակի օրվան նվիրված Վանաձորի Մովսես Խորենացու անվան N17 ավագ դպրոցի աշակերտները իրենց զինվոր ընկերների համար պատրաստել են անակնկալ՝ փաթեթ՝ լի տարբեր տեսակի քաղցրավենիքներով և զինվորին անհարաժեշտ այլ պարագաներով: