Եղեք առյուծածին մայրեր, ու մենք կունենանք հզոր հայրենիք
Չարենցավանի «Ամենայն Հայոց Կաթողիկոս Վազգեն Ա-ի անվան N 3 հիմնական դպրոց»-ում մեծ շուքով և հանդիսավորությամբ նշվեց Հայոց բանակի 23-րդ տարելիցը:Միջոցառումը կազմակերպել էին աշակերտական խորհրդի ռազմահայրենասիրական հանձնախմբի անդամները:Ամպայման ուզում եմ գրառել հայոց լեզվի և գրականության ուսուցչուհի Անահիտ Մովսեսյանի խոսքերը,որոնք հնչեցին միջոցառման ընթացքում.
Ամեն ոք քնելուց առաջ,գլուխը բարձին դնելուց առաջ թող աղոթի հայ զինվորի համար,որ նրանց լուսաբացները լինեն ո´չ կրակոցների ծխով ողողված,իսկ եթե կրակոց,ապա ՝ հաղթանակի համազարկեր… Կոչ եմ անում մայրերին Նժդեհի խոսքերով.
-Եղե´ք առյուծածին մայրեր,ու մենք կունենանք հզոր հայրենիք:
Եղեռնի 100-ամյա տարելիցի առումով յուրաքանչյուր թաղամասում պիտի ծնվեն 100 մանուկներ ,պիտի մեկ տարում վերականգնել գոնե միլիոնուկեսը:
Կոչ եմ անում ուսուցիչներին,որ ներողամիտ լինեն տղաների նկատմամբ,նրանք վաղվա մեր զինվորներն են,ներողամիտ լինեն աղջիկների հանդեպ,նրանք վաղվա կորյուններ ծնողներն են:
Ազգովի ներողամիտ եղեք միմյանց նկատմամբ,որովհետև պատմության ընթացքում մենք ոչ թե հաղթել ենք,այլ չենք պարտվել երբեք,որովհետև հայի տեսակը աստվածաշնորհ է երկրի վրա,մեր լեզուն Աստծո հետ հաղորդակցվելու միակ միջոցն է:
Կոչ եմ անում համայն քրիստոնյա աշխարհին,որ ժամանակն է վերջապես ազատել Արարատը ժանգոտ փշալարերից՝ աշխարհը աղետներից ու կործանումներից,ահաբեկչություններից փրկելու համար:Չէ՞ որ Նոյը Արարատի ձյունե շերտը նկատելով,նրա կատարին հանգրվանելու փաստը վկայում է մարդկության վերաստեղծումը:
Ազատե´ք Արարատի ծնկները փշալարերից,ու կխաղաղվի ողջ տիեզերքը:
Փա˜ռք մեր բանակին,այսուհետ միայն հաղթանակներ մեր ժողովրդին,սա է ոգեկոչում մեր պատմությունը:
Սովորություն չդարձնենք 7 օր,7 գիշեր սգալու,այլ 7 օր,7 գիշեր ուրախանանք ամենաչնչին առիթով անգամ ինչպես մեր հեքիաթներում:
Հայ զինվոր քո լուսաբացը թող ողողվի միայն արևի շողերով ու հաղթության կոչերով ,դուք մենակ չեք,մենք ձեր կողքին ենք…