2015թ Հունվարի 28-ին «Փշատավանի միջնակարգ դպրոց» ՊՈԱԿ-ում տեղի ունեցավ Հայոց բանակի 23-ամյակին նվիրված տոնական միջոցառում «Եղիր հայրենիքիդ նվիրված զինվոր» խորագրով: Միջոցառմանը մասնակցում էր Սարդարապատի զորամասի կապիտան Վազգեն Սեդրակյանը: Դպրոցի տնօրեն Ն. Ղորղանյանը շնորհավորեց ներկաներին Հայոց բանակի օրվա առիթով, քաջալերեց սաներին լինել խիզախ, անձնվեր զինվորներ: Միջոցառումը սկսվեց հանդիսավոր տողանով, ՀՀ օրհներգով և դրոշով, դպրոցի 8-րդ դասարանցիների երդման արարողությամբ: Տոնական միջոցառումը շարունակվեց դպրոցում:Սովորողները դիտեցին հայոց բանակի անցած փառավոր ուղուն նվիրված տեսաֆիլմը: Դպրոցի սաները հանդես եկան հայրենասիրական երգ ու պարով, ասմունքով: Կապիտան Վ. Սեդրակյանը շնորհավորեց աշակերտներին, ներկայացրեց հայոց հերոսի, բանակի անցած ուղին և քաջալերեց լինել հայրենիքին նվիրված զինվոր: