Հայոց ազգային բանակի տոնը դարձել է մեր հասարակության սիրված տոներից մեկը: Այն ըստ արժանվույն նշվեց Սևանի Խ.Աբովյանի անվան ավագ դպրոցում: Տոնին նախապատրաստվել էին մեծ սիրով ու խանդավառությամբ: Մեկնարկը տրվեց մի քանի օր առաջ, երբ շնորհավորական նամակներ ու բացիկներ ուղարկվեցին Հայաստանի և Լեռնային Ղարաբաղի տարբեր զորամասերում ծառայող հայ զինվորներին: 
Հունվարի 28-ին դպրոցի բակում տողանի էին շարվել դպրոցի բոլոր աշակերտները: Իրենց ողջույնն ու շնորհավորանքները փոխանցեցին զորամասերից և զինվորական կոմիսարիատից եկած սպաները: 
Միջոցառումը ուղեկցվում էր երգ ու պարով: Այնուհետև անցկացվեց ինտելեկտուալ խաղ-մրցույթ 10-րդ դասարանի «Վազգեն Սարգսյան» և « Մոնթե Մելքոնյան» թիմերի միջև: 
Աշակերտները ի ցույց դրեցին իրենց ունեցած գիտելիքները հայոց պատմությունից, ռազմագիտությունից: Կատարեցին գործնական աշխատանք՝ քանդեցին և հավաքեցին ավտոմատը: Միջոցառումն ընդմիջվում էր երաժշտական համարներով:
Իր շնորհավորանքն ու շնորհակալությունը հայտնեց դպրոցի տնօրեն Լ.Մկրտչյանը:
Միջոցառումը մեկ անգամ ամրապնդեց աշակերտների հայրենասիրական ոգին: