Գավառի N5 հիմնական դպրոցում անցկացվեցին միջոցառումների շարք` նվիրված Հայոց բանակի 23-րդ տարեդարձին:
Սկզբում անցկացվեց հանդիսավոր տողան, որի ընթացքում զեկուցեցին ավագները, ներս բերվեց ՀՀ դրոշը, հնչեց հիմնը: Ներկաներին ողջունեցին դպրոցի տնօրեն Սաթիկ Արզաքանյանը, Արցախյան ազատամարտիկ Հ. Ղաջոյանը, Երկրապահների միության անդամ Ս. Կևեյանը: Այնուհետև անցկացվեց գրական-երաժշտական ցերեկույթ «Քաջերի սերունդները քաջերն են» խորագրով:
Աշակերտները ներկայացրին Հայոց բանակի ստեղծման պատմությունը, կարդացին բանաստեղծություններ և երգեցին երգեր` նվիրված ազգային հերոսներին և Հայոց բանակին:
8-րդ դասարանի աշակերտները տվեցին ՀՀ զինված ուժերի երդումը և գործնականորեն ցուցադրեցին իրենց գիտելիքները ՆԶՊ-ից. քանդեցին և հավաքեցին ուսումնական զենքը, կատարեցին «Օդային տագնապ» հրամանին համապատասխան գործողություններ:
8-րդ և 9-րդ դասարաններում անցկացվեցին նաև Արիության դասեր, որոնք վարեցին Ս. Արզաքանյանը և ԵԿՄ-ի ներկայացուցիչները:
Միջոցառումն անցավ բարձր մակարդակով և էլ ավելի ամրապնդեց աշակերտների հայրենասիրական ոգին: