Հունվարի 28-ը մեր երկրում նշվում է որպես Հայոց բանակի տոն: Այդ տոնը Գավառի Հովհաննես Թումանյանի անվան N3 հիմնական դպրոցում նշվում է ավանդաբար: 2015թ. հունվարի 28-ին տոնակատարությունն սկսվեց դպրոցի բակում ջոկի հրամանատար աշակերտի՝ զինղեկ Ա. Մովսիսյանին ուղղված զեկույցով: Աշակերտների շքերթը եզրափակվեց ՀՀ օրհներգի կատարմամբ: ՀՀ պետական դրոշը բարձրացվեց օրհներգի հնչյունների ներքո: Դպրոցի տնօրեն Մ. Հովակիմյանն ու զինղեկ Ա. Մովսիսյանը աշակերտներին, ծնողներին և մանկավարժներին շնորհավորանքի ուղերձ հղեցին բանակի տոնի կապակցությամբ: 
Միջոցառման հաջորդ մասն անցկացվեց դահլիճում: Աշակերտները մի դրվագ ներկայացրին այս օրերի իրադարձություններից՝ դիրքապահ զինվորների կյանքից: 
Երեխաները խոսեցին կանոնավոր բանակի ստեղծման, բանակի դերի ու նշանակության մասին, ներկայացրին բանակի կայացման երեք փուլերը: Խոսվեց այն հերոսների մասին, որոնք նշանակալից դերակատարում են ունեցել բանակի կայացման ու հզորացման գործում:
Միջոցառման ընթացքում ցուցադրվեցին տեսաֆիլմեր հայոց բանակի հերոսական ուղու, Արցախյան հերոսամարտի էջերի և ազգային հերոսներին նվիրված դրվագներով:
Աշակերտները ներկայացրին հայոց բանակին և հայ զինվորին նվիրված բանաստեղծություններ, երգեր, պար: 
Դպրոցի զինղեկ Ա. Մովսիսյանը դպրոցին և դպրոցի տնօրեն Մ. Հովակիմյանին և պատանի երկրապահներին հանձնեց <<Պատանի երկրապահ>> կամավորականների ակումբի պատվոգրերով՝ սովորողների ռազմահայրենասիրական ուսուցումը լավագույնս կազմակերպելու և միջոցառումներին ակտիվ մասնակցություն ունենալու համար:
Միջոցառումն ավարտվեց բանակի օրհներգով: Այն կատարվեց բոլոր ներկաների կողմից: