Հայոց բանակի կազմավորման 23-րդ տարելիցին նվիրված միջոցառումների համալիր ծրագիր էր մշակվել Հրազդանի N13 ավագ դպրոցում: Բոլոր աշակերտները նամակներ գրեցին զինվորներին: Ծնողխորհրդի առաջարկմամբ և հովանավուրությամբ պատրաստվեցին ծանրոցներ և ուղարկվեցին ԼՂՀ «Եղնիկներ» կոչվող զորամաս: Հունվարի 28-ին` ժամը 1000 –ին, սկսվեց հանդիսավոր տողանը` «Եղիր պատրաստ հայրենիքի պաշտպանությանը» նշանաբանով: Յուրաքանչյուր դասարան ասում էր իր կարգախոսը: Այնուհետև ծաղիկներ դրեցին դպրոցի շրջանավարտ, զոհված ազատամարտիկ Սևան Նահապետյանի կիսանդրու առջև: Միջոցառումերի շարքն ամփոփվեց «Հայրենիքն սկսվում է խրամատից» խորագիրը կրող ցերեկույթով: Հանդիսատեսին ներկայացվեց բանակի ստեղծման ողջ պատմությունը` ուղեկցվելով երեխաների ոգեշունչ խոսքով, բեմականացմամբ, պարով ու երգով: Միջոցառմանը ներկա էին Կոտայքի մարզի ԵԿՄ փոխնախագահ Անդրանիկ Ափոյանը, ԵԿՄ Հրազդանի տարածքային բաժանմունքի նախագահ Ներսես Հարությունյանը, ԵԿՄ անդամ, ազատամարտիկ էդուարդ Բաղդեյանը,ազատամարտիկ Վարդան Խաչատրյանը, Հրազդանի զինկոմի տեղակալ Նաիրի Խաչատրյանը,Հրազդանի զինկոմիսարիատի ներկայացուցիչ Վրեժ Մելքոնյանը: ՀՀ ԵԿՄ նախագահ գեներալ- լեյտենանտ Մանվել Գրիգորյանի անունից դպրոցին և զինղեկ Ֆրուզիկ Նազարյանին պատվոգրեր հանձնեց Կոտայքի մարզի ԵԿՄ փոխնախագահ Անդրանիկ Ափոյանը: