Վարդենիսի N 4 հիմնական դպրոցի մանկավարժական կոլեկտիվը, ի դեմս տնօրեն՝ Անահիտ Սահակյանի, «Կրկին շնորհավորում են բոլորին, այս պանծալի տոնի առթիվ։ Մենք վստահորեն նայում ենք առաջ, որովհետեւ ունենք հուսալի պաշտպան` հայկական բանակ։ Մաղթում ենք բոլորին խաղաղություն եւ բարօրություն։
Սիրելի՛ հայրենակիցներ, Ջերմորեն շնորհավորում եմ ձեզ Բանակի օրվա կապակցությամբ»-- այսպես սկսեց իր խոսքը դպրոցի տնօրեն՝ Անահիտ Սահակյանը.---«Երբ հայ ժողովուրդը տեւական ընդմիջումից հետո վերականգնում էր իր անկախությունը, հայոց բանակն առաջին կայացած պետական կառույցը դարձավ։ Հայաստանի զինված ուժերի ստեղծումը մեր երկրի առաջին եւ մեծագույն ձեռքբերումն էր։ Սա արդեն պատմական փաստ է եւ անհերքելի ճշմարտություն»: Դպրոցի տնօրենի տեղակալ՝Աննա Համբարձումյանը 6-րդ դասարանի աշակերտների հետ կազմակերպել էր հետաքրքրի դաս միջոցառում՝ նվիրված հայոց բանակին…
2015թվականի մայիսին կլրանա զինադադարի ստորագրման 23-րդ տարին։ Արդեն երկու տասնամյակ է, ինչ մեր բանակը եւ ողջ հասարակությունը ապրում են «ոչ պատերազմ, ոչ խաղաղություն» պայմաններում։ Սա առանձնահատուկ բարդ վիճակ է ցանկացած բանակի եւ առանձին վերցրած` յուրաքանչյուր զինվորի ու սպայի համար, բայց այս ընթացքում մեր բանակը պատվով է կատարում իր առաքելությունը։
Այսօր` մեր հաղթական բանակի օրը, մեծ տոն է, եւ առիթ` հիշելու նրանց, ովքեր Արցախի եւ Հայաստանի սահմանների պաշտպանությունը կազմակերպեցին եւ իրականացրին անհավանական թվացող ճիգերի գնով, իսկ հարկ եղած դեպքում` նաեւ կյանքի գնով։ Նրանք դարձան օրինակ եւ չափանիշ հետագա սերունդների համար, ինչպես նրանց համար օրինակ ու չափանիշ էին եղել իրենց հայրերն ու պապերը Երկրորդ աշխարհամարտի օրերին։ Մենք խոնարհվում ենք նրանց հիշատակի առջեւ, ովքեր պարտադրված գոյապայքարը վերածեցին փառահեղ ազատամարտի։ Նրանք դեռ բանակ չէին եւ իրենց համեստորեն կոչում էին «ինքնապաշտպանության ուժեր»` ի տարբերություն այն հրոսակախմբերի, որ իրենց «բանակ» էին հորջորջում, բայց մեր ջոկատների կեսը չարժեին։