Արդեն մեկ տասնամյակից ավել Երևանի Ա.Պուշկինի անվան դպրոցում ավանդապես նշվում է Հայոց Բանակի կազմավորման տարեդարձը: Դեռ հունվարի 23-ին դպրոցում մեկնարկեցին Հայոց բանակի ստեղծման 23-րդ տարեդարձին նվիրված միջոցառումները:Դպրոցի հանդիսությունների սրահում տեղի ունեցավ 9-րդ դասարանցիների հանդիպումը Հայաստանի նավաստիների ասոցիացիայի նախագահ,առաջին աստիճանի կապիտան,բուժծառայության գնդապետ,դպրոցի պապիկ Ալեքսանդր Մելիք-Փաշայանի հետ,որը պատմեց նավատորմի դերի,սուզանավերի,ծովակալ Իսակովի, Հայոց Բանակի հզորության մասին:Վերջում նա պատասխանեց աշակերտների հարցերին: 
Հունվարի 27-ին դպրոցի հանդիսությունների սրահում տեղի ունեցավ Բանակի օրվան նվիրված երկրորդ միջոցառումը,ուր ելույթ ունեցան աշակերտները, դպրոցի զինղեկ Արսեն Հովհաննիսյանը,2008 թվականի շրջանավարտ Տարոն Բաղդասարյանը,սահմանապահ զորքերի նախկին զինծառայող Հրաչ Բաղդասարյանը:
Տոնի օրը՝հունվարի 28-ին առավոտյան ժամը 10-ին դպրոցի բակում տեղի ունեցավ Բանակի օրվան նվիրված հանդիսավոր տողան,ուր ելույթ ունեցան աշակերտները, 2005 թվականի դպրոցի շրջանավարտ Տիգրան Ասարյանը: Ապա 9-րդ դասարանցիները ուսուցիչների և դպրոցի զինղեկ Արսեն Հովհաննիսյանի ուղեկցությամբ այցելեցին Եռաբլուր,իրենց հարգանքի տուրքը մատուցելու մեր ազգի զոհված հերոսներին: