Զինվո՛ր, մեր խաղաղ գիշերը քո ձեռքերում է...
2014 թվականի Տարվա մարդը հայ զինվորն է, տարվա կառույցը՝ պաշտպանության նախարարությունը:
Համաձայն 2014 թվականի եռակողմ համաձայնագրի՝ Քաղցրաշենի միջնակարգ դպրոցում հունվարի 28-ին անցկացվեց «Պատանի երկրապահ» ակումբի կազմակերպած միջոցառումը «Զինվո՛ր, մեր խաղաղ գիշերը քո ձեռքերում է» խորագրով:
Միջոցառմանը ներկա էր Կապի ուսումնական զորամասից կապիտան Սուրեն Սուքիասյանը:
Շնորհավոր տոնդ, հա՛յ զինվոր:
Այսօր էլ ծանր ժամանակներ ենք ապրում, այսօրվա զինվորը մեր եղբայրն է, մեր ավագ ընկերը՝ մեր Վոլոդյա Հարությունյանը, որը 2015 թվականի հունվարի 2-ի լույս 3-ի գիշերը վիրավորվեց Ջաբրաիլում: Այսօր նա ապաքինվում է, մենք սպասում ենք քեզ, Վոլոդյա՛:
Մեր դպրոցի 12-րդ դասարանի շրջանավարտները շնորհավորական նամակներ են ուղարկել իրենց ավագ ընկերներին, որոնք ծառայում են հայկական բանակի տարբեր զորամասերում:
«Մենք հավատում ենք քեզ, հայ զինվո՛ր: Հպարտությամբ գալու ենք հերթափոխի»: