Լեզուն է բոլոր գիտելիքների յուրացման բանալին: Կարևորելով գիտելիք ձեռք բերելու, կարդալու դերն ու նշանակությունը` աշակերտների հայեցի կրթյության և դաստիարակության գործընթացում՝ փետրվարի 19-ին Գավառի Հ. Թումանյանի անվան N3 հիմնական դպրոցում գրադարանավար Ե. Մուրադյանի աջակցությամբ կազմակերպվեց տարիներ շարունակ ավանդույթ դարձած գիրք նվիրելու օր:   Սակայն այս տարի ավանդույթն իր ձևաչափով տարբեր էր:  Դպրոցը միացավ «Վորլդ Վիժըն-Հայաստան» միջազգային հասարակական կազմակերպության «Ամենալավ նվերը՝ գիրք»  ծրագրին, որի նպատակը Գեղարքունիքի մարզի սահմանամերձ Վահան գյուղի դպրոցի  գրադարանին գեղարվեստական և գիտահանրամատչելի գրքեր նվիրելն էր: Ծրագրի նպատակն էր նաև համատեղ ուժերով ուշադրություն սևեռել սահմանամերձ շրջաններում ապրող դպրոցահասակ երեխաների հիմնախնդիրների վրա և աջակցել նրանց:

  2015 թվականի փետրվարի 19-ին դպրոցի աշակերտներն իրենց նվիրաբերած գրքերը՝ 120 հատ, դպրոցի գրադարանավար Ե. Մուրադյանի հետ փաթեթավորեցին և հանձնեցին միջազգային հասարակական կազմակերպությանը՝ սահմանամերձ Վահան գյուղի դպրոց ուղարելու համար: