ՄԱՅՐԵՆԻԻ ՄԻՋԱԶԳԱՅԻՆ ՕՐԸ ՍՈՒՐԵՆԱՎԱՆԻ ՄԻՋՆԱԿԱՐԳ ԴՊՐՈՑՈՒՄ
Արդեն 10 տարի է, ինչ Հայաստանում փետրվարի 21-ը նշվում է Մայրենիի օր: Բազմիցս նշվել է, որ նրա պահպանումը յուրաքանչյուրիս սրբազան պարտքն է: Ու հենց Մայրենիի օրվան էր նվիրված Սուրենավանի միջնակարգ դպրոցի «Մայրենին՝ արարման ղողանջ» միջոցառումը, որը նախաձեռնել էին հ. լեզվի և գրականության ուսուցչուհի Նաիրա Զեյնալյանն ու 6-րդ դասարանի աշակերտները: Միջոցառման նպատակն էր ներկաների ուշադրությունը սևեռել մեր աստվածատուր լեզվին, զգացնել տալ նրա՝ գոյապահպանման միջոց լինելը: Աշակերտները հանդես եկան հետաքրքիր խաղիկներով ու բեմականացմամբ, իրար կապեցին լեզու-հայրենիք հասկացությունները և հորդորեցին աչքի լույսի պես պահել այս սրբությունները ու կրել դրանք արյունով ու այրումով:
Անահիտ Ղազարյան/ կրթական աջակցությունների գծով տեղակալ/
© 2013-2014, Դպրոց կենտրոնների միություն