ԳԻՐՔ ՆՎԻՐԵԼՈՒ ՕՐԸ ՎԱՂԱՐՇԱՊԱՏԻ Մ. ԳՈՐԿՈՒ ԱՆՎ. Հ. 5 ԱՎԱԳ ԴՊՐՈՑՈՒՄ
Այսօր` փետրվարի 19-ին, Վաղարշապատի Մ. Գորկու անվան հմ. 5 ավագ դպրոցի աշակերտները խանդավառությամբ և գեղեցիկ նախաձեռնություններով նշանավորեցին գիրք նվիրելու միջազգային օրը:
Մուտքի մոտ աշակերտներին և ուսուցիչներին դիմավորեցին հայոց լեզվի և գրականության մասնախմբի ուսուցիչները, սոցմանկավարժները և աշակերտական խորհրդի անդամները: Աշակերտական խմբերը դպրոց ներկայացան գեղարվեստական գրքերով, պաստառներով և խորիմաստ ասույթներով:
Դպրոցում աշակերտները դասամիջոցների ընթացքում միմյանց ներկայացնում էին իրենց կարդացած գրքերը, կատարում մտքերի փոխանակություն, կարդում հայ քնարերգության լավագույն էջերից:
Աշակերտները ուսուցիչներին և միմյանց նվիրեցին ինքնաշեն կրծքանշաններ, իսկ գրադարանին` գեղարվեստական գրքեր...
Օրն ավարտվեց բոհեմական մթնոլորտում. աշակերտների մի խումբ կիթառի մեղեդու նվագակցությամբ վերհիշեցին հայ քնարերգության լավագույն ստեղծագործությունները:
