ՄԱՅՐԵՆԻ ԼԵԶՎԻ ՄԻՋԱԶԳԱՅԻՆ ՕՐԸ ԱՐՏԱՇԱՏԻ Հ. 4 ՀԻՄՆԱԿԱՆ ԴՊՐՈՑՈՒՄ
«Դպրոց կենտրոնների միություն» իրավաբանական անձանց միության առաջարկով Արտաշատ քաղաքի հ.4 հիմնական դպրոցում անցկացվեց միջոցառում` նվիրված Մայրենիի օրվան: Միջոցառումը կրում էր <<Մեր գոյության արև, մեր ինքնության ոգի…>> վերնագիրը: 6-րդ դասարանի աշակերտները ներկայացրին այն պատմությունը, որը կապված է Մեսրոպ Մաշտոցի և նրա գործունեության հետ, ինչպես նաև ասացին ասույթներ` նվիրված մայրենիին: Ողջ միջոցառման ընթացքում թևածում էր մայրենիի շունչը, որով էլ տոգորված` աշակերտները եզրափակեցին երդմամբ, որ միշտ անաղարտ կպահեն մայրենին: Միջոցառումը կազմակերպել էր ուսուցչուհի Ա. Մինասարյանը: Միջոցառման վերջում դպրոցի տնօրեն Ն. Մուրադյանը մայրենիի օրվա կապակցությամբ պատվոգրերով պարգևատրեց այն ուսուցիչներին, որոնք աշակերտների մոտ սերմանում են սեր մայրենիի հանդեպ:
© 2013-2014, Դպրոց կենտրոնների միություն