Փետրվարի 19-ը Ամենայն հայոց բանաստեղծ Հովհաննես Թումանյանի ծննդյան օրն է: Ի հիշատակ բանաստեղծի` այս օրը Հայաստանում և Արցախում նշվում է որպես գիրք նվիրելու օր: Անցյալում գիրքն ամենասպասված և ամենացանկալի նվերն էր համարվում: Արդեն վերականգնվում են հին ավանդույթները:Այժմ երիտասարդներն ունեն մեծ հետաքրքրություն գրքի հանդեպ և գնահատում են գրքի արժեքը: Այդ առիթով ՀՀ-ում տեղի են ունենում հանրային ընթերցումներ, կրթական և մշակութային միջոցառումներ,հայ գրողների հանդիպումներ ընթերցողների հետ: Ամեն տարի տոնը մեծ շուքով նշվում է նաև Կարմիրգյուղի N 1 միջնակարգ դպրոցում: Այս տարի նույնպես տոնի առիթով դպրոցի գրադարանավարները կազմակերպեցին հետաքրքիր և բովանադակալից միջոցառում: Միջոցառման ընթացքում աշակերտները ներկայացրին Թումանյանի կյանքն ու հասարակական գործունեությունը, արտասանեցին նրա բանաստեղծություններից, քառյակներից, մեջբերեցին գրքին վերաբերվող ասույթներ, երգեցին երգեր, որոնց խոսքերի հեղինակը Թումանյանն է: Միջոցառման վերջում աշակերտները միմյանց գրքեր նվիրեցին: