ՄԱՅՐԵՆԻ ԼԵԶՎԻ ՄԻՋԱԶԳԱՅԻՆ ՕՐԸ ԳԱՎԱՌԻ Հ.5 ՀԻՄՆԱԿԱՆ ԴՊՐՈՑՈՒՄ
«Դպրոց կենտրոնների միություն» իրավաբանական անձանց միության առաջարկով «Մեր ոսկեղենիկ մայրենին» խորագրով գրական-երաժշտական ցերեկույթ անցկացվեց Գավառի N5 հիմնական դպրոցում: Դահլիճում ցուցադրված էին I-IX դասարանների պատրաստած թերթերն ու բացիկները, որոնք նվիրված էին մայրենի լեզվին:
Ցերեկույթը սկսվեց գրերի ստեղծման պատմությունից: Աշակերտները ներկայացրին Մեսրոպ Մաշտոցին, Սահակ Պարթևին, Վռամշապուհ թագավորին: Այնուհետև ներկայացվեց մայրենի լեզվի անցած ուղին մինչև մեր օրերը: Հնչեցին ասույթներ, բանաստեղծություններ, երգեր` նվիրված մայրենի լեզվին:
Ցերեկույթը ամփոփեց դպրոցի տնօրեն Ս. Արզաքանյանը: Նա բոլորին կոչ արեց սիրել, պահպանել մեր սիրասուն մայրենի լեզուն և միշտ խոսել գրական հայերենով:
© 2013-2014, Դպրոց կենտրոնների միություն