Կարբիի Վ. Թեքեյանի անվան միջնակարգ դպրոցի 8-ա դասարանը (դասղեկ՝ Ա. Մուրադյան) կազմակերպել էր միջոցառում նվիրված գիրք նվիրելու միջազգային օրվան: 
Դասն սկսվեց Ցիցերոնի հայտնի խոսքերով. «Այն տունը, որտեղ գրքեր չկան, նման է հոգի չունեցող մարմնի»: Աշակերտները ներկայացրեցին օրվա խորհուրդը: Փետրվարի 19-ը ամենայն հայոց բանաստեղծ Հովհաննես Թումանյանի ծննդյան օրն է, ՀՀ Կառավարության որոշմամբ` 2008թ.-ից այս օրը նշվում է որպես գիրք նվիրելու օր: Պատմեցին գրքի ստեղծման, տպագրության պատմությունը, խոսեցին տոնի առաջնային խնդրի մասին. հանրահռչակել գիրքը` որպես գիտելիքի տարածման ու պահպանման ամենամատչելի ու վստահելի միջոց: 
Ինֆորմատիկայի ուսուցչուհի Վ. Հովհաննիսյանը պատրաստել էր տեսանյութ՝ «Ինչպես է ծնվում գիրքը» խորագրով: Երեխաները նաև վիրտուալ շրջայց կատարեցին Հովհաննես Թումանյանի թանգարանում, ծանոթացան բանաստեղծի անձնական բացառիկ ու բազմաբնույթ գրադարանին:
Դասն ավարտվեց խորհրդով.
«Կարդալը երբեք շատ չի լինում».