Կարբիի Վ. Թեքեյանի անվան միջնակարգ դպրոցում անցկացվեց բաց դաս «Հայոց պատմություն» առարկայից՝ նվիրված Անդրանիկ Օզանյանի ծննդյան 150 ամյակին:
Դասը կազմակերպել էր պատմության ուսուցչուհի Ք. Հարությունյանը՝ 11ա դասարանի աշակերտների մասնակցությամբ:
Դասը սկսվեց Զորավար Անդրանիկին նվիրված երգով: Աշակերտները ներկայացրեցին Զորավարի կենսագրությունը, վրիժառու դառնալու հանգամանքը, նրա մեծ վիշտը:
Դասին համընթաց նյութի ներկայացումն ուղեկցվեց համապատասխան երաժշտությամբ և ֆիդայական երգերի կատարմամբ: Ներկայացվեցին պատմական կադրեր:
Իր իսկ՝ Անդրանիկի խոսքերը հնչեցին աշակերտների շուրթերից, թե «Ղարաբաղցիներ և գանձակցիներ, չհաջողեցանք մտնել ձեր պատմական երկիրը: Տարեք իմ ողջյուններս ձեր քաջ ժողովրդին և իմ կողմեն ըսեք, որ երբեք գլուխ չծռեն մեր ցեղին ոսոխին առջև»:
Անդրանիկի 30 ամյա հագեցած մարտական ուղին ու հասարակական գործունեությունը ևս մեկ անգամ ապացուցեց, որ ի դեմս նրա մեր ժողովուրդն իր ամենաողբերգական ժամանակաշրջանում ունեցել է մի կատարյալ երկնային պարգև ու փրկիչ...