FRIENDSHIP WITHOUT BORDERS-Այսպես է վերնագրված իթվինինգպլյուսի շրջանակներում անցկացվող օնլայն համագործակցային ծրագիրը, որը Սուրենավանի միջնակարգ դպրոցում ղեկավարում է Ն. Զեյնալյանը: Այն բավականին մեծ ծրագիր է ու ներառում է ազգային ամենատարբեր թեմաների փոխանակում տարբեր ազգություն ունեցող աշակերտների հետ: Յուրաքանչյուր աշակերտ ունի այդ տարածք մուտք գործելու իրավունք և ստեղծելու այնպիսի նյութեր, որոնք հետագայում կարող են օգտագործվել աշխարհի տարբեր անկյուններում աշխատող ուսուցիչների կողմից:
Ծրագրի նպատակն է ծանոթանալ տարբեր ժողովուրդների սովորույթներին, ծեսերին, ավանդույթներին, տարազին և պատմական տարբեր հուշարձաններին: Ծրագրի համար նախատեսված տարածքում աշակերտները ամեն ամիս կփոխանակեն այն ինֆորմացիան, որն արդեն մշակված է ծրագրով: Կարևորն այն է, որ ծրագրի ընթացքում աշակերտները կընդլայնեն իրենց մտահորիզոնը, կզարգացնեն նաև լեզվական ու համակարգչային գիտելիքները: Երիտասարդ ուսուցչուհին տարբեր ծրագրերի մասնակցության մեծ փորձ ունի, այդ է պատճառը, որ աշակերտներն անմիջապես ընկալում են իրենց անելիքն ու անցնում գործի: Այս ծրագրի շրջանակում այսօր նրանք կատարեցին իրենց առաջին քայլը:
Հերմինե Հայրոյան/անգլերենի ուսուցչուհի/