ՄԻՋՈՑԱՌՈՒՄ ՆՎԻՐՎԱԾ ԿԱՆԱՆՑ ՄԻՋԱԶԳԱՅԻՆ ՕՐՎԱՆ ԳԱՌՆԻԻ Հ.1 ՀԻՄՆ. ԴՊՐՈՑՈՒՄ
2015թ. Մարտի 9-ին Գառնիի թիվ 1 հիմնական դպրոցում տոն էր: Նշվում էր կանանց միջազգային օրը, որը կրում էր «Երգս նվիրում եմ մայրիկիս» խորագիրը: Հրավիրված էր ամբողջ ուսուցչական կոլեկտիվը: Հաղորդավարուհի Արմինեն միջոցառումը սկսեց գարնանը նվիրված բանաստեղծությամբ: Այնուհետև բարեմաղթանքներով դիմեց բոլոր ուսուցչուհիներին: Կազմակերպվել էր փոքրիկ համերգ, որին մասնակցում էին II-IX դասարանների երգիչ-երգչուհիներն ու նվագողները: Ներկայացվեց նաև փոքրիկ ներկայացում՝ «Տղամարդու և կնոջ վեճը մարտի 8-ին»: Ներկաները բուռն ծափահարություններով դիմավորեցին Մադաթյան Գոռին, Բաղդասարյան Բաղդասարին,Սիրուշոյին, Գևորգյան Մարիետային, Զաքարյան Սվետլանային, Առաքելյան Աղաբեկին, Փիլիպոսյան Հեղինեին, որոնք այնքան լավ երգեցին, որ հանդիսատեսը խնդրեց կրկնել:
© 2013-2014, Դպրոց կենտրոնների միություն