«ՍՈՑԻԱԼԱԿԱՆ ՄԵԴԻԱ ԵՎ ԹՎԱՅԻՆ ԳՈՐԾԻՔՆԵՐԻ ԿԻՐԱՌՈՒՄԸ ՈՒՍՈՒՄՆԱԿԱՆ ԳՈՐԾԸՆԹԱՑՈՒՄ» ՕՆԼԱՅՆ ՎԵՐԱՊԱՏՐԱՍՏՄԱՆ ՄԵԿՆԱՐԿ
Մարտի 12-ին տեղի ունեցավ «Սոցիալական մեդիայի և թվային գործիքների կիրառումը ուսումնական գործընթացում» ծրագրի բացման արարողությունը:
Միջոցառմանը ներկա էին ԱԺ պատգամավոր, «Դպրոց-կենտրոնների միություն» իրավաբանական անձանց միության նախագահ Ռուզաննա Մուրադյանը, ՀՀ ԿԳ նախարարության հանրակրթության վարչության պետ Նարինե Հովհաննիսյանը, Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը, Երեւանի քաղաքապետարանի կրթության վարչության հանրակրթության բաժնի պետ Անահիտ Մելքոնյանը: Միջոցառումը կազմակերպվել էր Երևանի Հ.Հայրապետյանի հ.78 հիմն. դպրոցում:
Ծրագիրն իրականացվում է «Դպրոց-կենտրոնների միություն» իրավաբանական անձանց միության նախաձեռնությամբ ՀՀ ԿԳ նախարարության հանրակրթության վարչության, Երևանի քաղաքապետարանի աշխատակազմի հանրակրթության վարչության հետ համատեղ:
Ծրագրի շրջանակներում կկազմակերպվի երեքշաբաթյա առցանց վերապատրաստման դասընթաց, որտեղ փորձարարական փուլում ընդգրկվել են հետաքրքրվածության հայտ ներկայացրած հիմնական և ավագ դպրոցների 26 անգլերեն լեզվի և ինֆորմատիկայի ուսուցիչներ:
