Մարտի 12-ին Երևանի N105 ավագ դպրոցում տեղի ունեցավ դաս-միջոցառում: Թեման` «Շեքսպիրի առեղծվածը»: Ուսուցչուհի` Լիլիթ Բուլղադարյան: Մասնակցում էին 101 դասարանի աշակերտները: Դասը սկսվեց փոքրիկ ֆիլմով, որում նկարահանվել էին նույն դասարանի աշակերտները, և որտեղ էլ առաջ է քաշվում Շեքսպիրի անձի հետ կապված առեղծվածը: Աշակերտները, իրենց առջև խնդիր դնելով բացահայտել գաղտնիքը, սկսում են դատավարություն, որտեղ որպես վկաներ հանդես են գալիս աշխարհահռչակ գրողներ: Որպես իրեղեն ապացույցներ օգտագործվեցին Շեքսպիրի կենսագրական տվյալները, պահպանված փաստաթղթերը եվ նրա ստեղծագործությունները, որոնց հիման վրա նախապես նկրահանվել էին փոքրիկ ֆիլմեր` աշակերտների մասնակցությամբ: Յուրաքանչյուր աշակերտ ուներ իր դերը: Դասի ընթացքում անցկացվեց քվեարկություն, որին աշակերտներից բացի մասնակցեցին նաև հյուրերը: Քվեարկության արդյունքները կցվեցին դատապաշտպանի և դատախազի եզրակացոթյուններին, և դատավորը կայացրեց վճիռը` «Շեքսպիրը իր գործերի մեջ է»: Աշակերտները եկան այն եզրակացության, որ կարևորը ստեղծագործություններն են և ոչ թե նրա ով լինեը: Այսպիսով աշակերտները ծանոթացան Շեքսպիրի ստեղծագործությունների մի մասին և վերապրեցին իրադարձությունները` խաղալով Ջուլիետ, Կորիոլան և այլն…Դաս-միջոցառումն ավարտվեց նկարահանումների ընթացքում չստացված կադրերի դիտումով, ինչը զվարճացրեց և՜ աշակերտներին, և՜ հյուրերին: