2015 թվականի մարտի 27-ին «Դպրոց-կենտրոնների միություն» իրավաբանական անձանց միության գրասենյակում տեղի ունեցավ հանդիպում-քննարկում դպրոցների ազգային վարկանիշավորման համակարգի վերաբերյալ: Հանդիպումանը ներկա էին «Դպրոց-կենտրոնների միություն» ԻԱՄ-ի նախագահ Ռուզաննա Մուրադյանը, Կրթական տեխնոլոգիաների ազգային կենտրոնի տնօրեն Արտակ Պողոսյանը և «Դպրոց-կենտրոնների միություն» ԻԱՄ-ի անդամ դպրոցների տնօրեններ: Քննարկման ընթացքում ԿՏԱԿ-ի տնօրեն Արտակ Պողոսյանը ներկայացրեց դպրոցների ազգային վարկանիշավորման համակարգի մեթոդաբանությունը՝ պատասխանելով ներկաների բոլոր հարցերին: 
Հանդիպումը երկուստեք կարևոր էր և օգտակար: Դպրոց-կենտրոնների տնօրենները հանդես եկան առաջարկներով` ուղղված դպրոցների վարկանիշավորման համակարգի բարելավմանը: Քննարկման ընթացքում ակնհայտ դարձավ, որ վարկանիշավորման համակարգը հանրությանն առավել ճշգրիտ ներկայացնելու կարիք ունի դպրոցի գնահատումից տարբերելու նպատակով: Այս հարցում կարևոր է նաև «Դպրոց-կենտրոնների միություն» ԻԱՄ-ի դերը: Դպրոցների վարկանիշավորման համակարգի քննարկմանն ուղղված հաջորդ հանդիպմանը կմասնակցեն ավելի մեծ թվով դպրոց-կենտրոնների տնօրեններ, ովքեր ձեռք բերած գիտելիքները կտարածեն իրենց քլաստերի դպրոցներում: