«Դասը վարում են ծնողները» նախագծի շրջանակներում II ե դասարանցիների հյուրն էր Անի Պողոսյանի մայրիկը` պատմական գիտությունների թեկնածու, Հայոց ցեղասպանության թանգարան – ինստիտուտի գիտաշխատող Նարինե Մարգարյանը:
Երկրորդ դասարանցիներին ներկայացվեց Հայոց ցեղասպանության պատմության որոշ դրվագներ: Իրենց համար առավել հասկանալի բացատրություն տրվեց ցեղասպանություն հասկացությանը, ներկայացվեցին դրա պատճառներն ու հետևանքները: Նրանք պատկերացում կազմեցին ապրիլի 24-ի խորհրդի, Ծիծեռնակաբերդի հուշահամալիրի մասին: Այս տարվա խորհրդանիշ հանդիսացող անմոռուկ ծաղկի ու նրա գունային իմաստի մասին պատմեցին իրենք՝ երեխաները:
Նյութն ավելի ըմբռնելի դարձնելու համար երեխաներին այս ամենը ներկայացվեց վավերագիր նկարների, քարտեզների, երբեմն նաև անցյալի ու ներկայի համեմատությունների միջոցով:
Դասի վերջում աշակերտները պատրաստեցին անմոռուկներով պաստառ` նվիրված Հայոց ցեղասպանության 100 –րդ տարելիցին: