Տիրոջ հարության տոնը մեծ խանդավառություն և ուրախություն բերեց նաև Վարդենիսի N 4 հիմնական դպրոց, որտեղ ս/թ ապրիլի 8-ին տեղի ունեցավ համադպրոցական միջոցառում:
Շատ տպավորիչ էին բոլոր դասարնների՝ զատկական տոնի առթիվ պատրաստած ծիսական սեղանները: Սեղաններն առատ էին Զատիկը ներկայացնող խորհրդանիշերով, հետաքրքիր լուծումներ ունեցող կոմպոզիցիաներով: Երեխաների ձեռքերով պատրաստված ասեղնագործության նմուշներն ու հայկական խմորեղենը էլ ավելի էին հետաքրքիր դարձնում միջոցառումը:
Միջոցառման ընթացքում հնչեց ժողովրդական, դասական և եկեղեցական երաժշտություն: Երեխաները մեծ ոգևորությամբ բացատրեցին Քրիստոսի խաչելության և հարության իմաստը, ասացին, որ հինգ տաղավար տոներից Սուրբ Զատիկը սովորեցնում է մեզ մեր հոգիներում գտնել առ Աստված տանող ճանապարհը և ապրել քրիստոնյային վայել կյանքով:
Միջոցառման կազմակերպիչներ՝ Աննա Զախարյան և Աննա Համբարձումյան: