ՍՈՒՐԲ ԶԱՏԻԿԻՆ ՆՎԻՐՎԱԾ ՄԻՋՈՑԱՌՈՒՄ ՎԱՆԱՁՈՐԻ Մ. ԽՈՐԵՆԱՑՈՒ ԱՆՎ. N17 ԱՎԱԳ ԴՊՐՈՑՈՒՄ
«Դպրոց-կենտրոնների միություն» իրավաբանական անձանց միության առաջարկով ապրիլի 8-ին Վանաձորի Մովսես Խորենացու անվան N17 ավագ դպրոցում տեղի ունեցավ համադպրոցական միջոցառում նվիրված Սուրբ Զատիկին:
Յուրաքանչյուր դասարան ներկայացրեց իր ձևավորված զատկական սեղանը, որից հետո աշակերտները առանձին-առանձին երգ ու պարով, ասմունքով ու բեմադրություններով ներկայացրեցին Զատկի տոնի խորհուրդը: Իրենց խոսքն ավարտելուց հետո հայոց եկեղեցու պատմության ուսուցչուհին աշակերտներին ուղղեց բլից հարցեր Զատկի վերաբերյալ, որոնց աշակերտները պատասխանում էին մեծ ոգևորությամբ: Այնուհետև հանձնարարվեց գրել ակրոստիկոս «Զատիկ» բառով, որը գրելուց հետո խմբերի ավագները ներկայացրեցին գնահատող հանձնաժողովին: Վերջում բոլորը պարգևատրվեցին շնորհակալագրերով և նվերներով՝ տարբեր նոմինացիաներում ակտիվ մասնակցություն ցուցաբերելու համար:
