«Դպրոց կենտրոնների միություն» իրավաբանական անձանց միության առաջարկով Սուրենավանի միջնակարգ դպրոցը կազմակերպեց միջոցառում նվիրված գեղեցկության և մայրության օրվան: 
Ահա այսպիսի մի անակնկալ մատուցվեց Սուրենավանի դպրոցի ուսուցիչներին` կանանց միամսյակը եզրափակող ապրիլի 7-ի կապակցությամբ /հենց ապրիլի 7-ին/:
Կազմակերպողը Ն. Զեյնալյանն էր: Ամեն ինչից անտեղյակ հավաքվել էինք հանդիսությունների սրահում և տեղավորվել տոնական սեղանների շուրջ: Միայն տեղյակ էինք, որ յուրաքանչյուրս մի բանաստեղծություն պետք է ձոնեինք մեր մայրիկին: Այս հատվածն ավարտվեց: Իհարկե հուզմունքը շատ էր, քանի որ շատերի մայրերն այլևս իրենց կողքին չեն: Նույնիսկ որոշների վիշտը դեռ թարմ էր: Հաջորդ քայլն արդեն անակնկալն էր: Յուրաքանչյուրիս երեխայի հետ կապ էր հաստատել ուսուցչուհին և գրառել նրանց մաղթանքներն ուղղված մեզ: Նա նախ ընթերցում էր մաղթանքը, իսկ հետո նշում երեխայի անունը: Մինչ անունը նշելը յուրաքանչյուրս անհամբեր սպասում էինք, թե մեր որ երեխան է հեղինակը: Շատերը սխալվում էին որոշելու հարցում, դա էլ արդեն կրկնակի անակնկալ էր դառնում: Բոլորը հուզվեցին, իհարկե նաև հպարտացան, ինչու չէ նաև զարմացան, որ իրենց երեխաները այդքան գեղեցիկ մտքեր կարող են արտահայտել: 
Վերջում մեկս մեկին հերթ չտալով` շնորհակալություն էինք հայտնում երիտասարդ ուսուցչուհուն գեղեցիկ անակնկալով այդ տոնական օրը` մայրության ու գեղեցկության օրը, մեզ համար կրկնակի տոն դարձնելու համար: Եթե նախորդ փուլում հուզմունքը տխրությամբ խառն էր, անակնկալի փուլում ուրախությամբ փայլող աչքեր էին, որն ավելի գեղեցկացրեց «մայր» կոչմանն արժանացող կնոջը: