2014թ. մարտի 19-ին ԵՊՀ-ի մաթեմատիկայի և մեխանիկայի ֆակուլտետում, Ձեռնարկությունների Ինկուբատոր Հիմնադրամի հայ-հնդկական ՏՀՏ գերազանցության կենտրոնում տեղի ունեցավ «Ոզնի»- ամենամյա 5-րդ հոբելյանական համակարգչային մրցույթը: 
   Մրցույթի կազմակերպիչներն էին Լեոյի անվան N 65 ա/դ մաթեմատիկայի և ինֆորմատիկայի մանկավարժ Ռ. Նիկոյանը և Գ. Նժդեհի անվան N161 հ/դ մաթեմատիկայի և ինֆորմատիկայի մանկավարժ Մ. Թովմասյանը, ծրագրին աջակցում էր նաև հայ-հնդկական կենտրոնի ցանցային ադմինիստրատոր Տ. Հովհաննիսյանը:
   Մրցույթին մասնակցում էին 6-9-րդ դասարանների 300 աշակերտներ Երևանից և ՀՀ տարբեր մարզերից: 
   Ծրագրի հեղինակները բացատրում, նկարագրում և ցուցադրում էին`

• 6-րդ դասարանի աշակերտներին Paint ծրագիրը,
• 7-րդ դասարանի աշակերտներին Power Point ծրագիրը,
• 8-րդ դասարանի աշակերտներին Microsoft Word ծրագիրը,
• 9-րդ դասարանի աշակերտներին Windows Movie Maker ծրագիրը

   Ծրագրի նպատակն էր խթանել աշակերտների սերն ու հետաքրքրությունը դեպի ինֆորմատիկա առարկան:Հաշվի առնելով նշված ծրագրերի մատչելիությունը մրցույթի շնորհիվ դրանք դառնում էին առավել հետաքրքիր և կիրառելի: 
   Մրցույթին հրավիրված էր «Դպրոց-կենտրոնների միություն» իրավաբանական անձանց միության թիմը: