Եղեռնի 100-ամյա տարելիցին նվիրված միջոցառում էր կազմակերպված Արտաշատ քաղաքի Հովհ. Թումանյանի անվան N2 հիմնական դպրոցում: Այս անգամ միջոցառումը կազմակերպել էին դպրոցի «Պատմություն» արտադասարանական խմբակի աշակերտները՝ խմբակի ղեկավար Օֆիկ Միքայելյանի գլխավորությամբ:
Միջոցառման ընթացքում վեր հանվեցին մարդկային և տարածքային կորուստները, հայ ժողովրդի 100-ամյա դեգերումները, վրեժով լցված ուղին, հայերի պահանջատիրությունը, ցեղասպանության միջազգային ճանաչումն ու դրա կարևորությունը: Միջոցառումն անցկացվեց սահիկահանդեսով՝ ընդգրկված պատմական, իրական փաստերով:
Ապահհոված էր միջոցառման դաստիարակչական կողմը՝ Հայոց ցեղասպանությունը որպես մարդկության դեմ ուղղված սոսկալի ոճրագործության դատապարտում:Միջոցառմանը հյուրընկալվել Էին Արտաշատի մշակույթի, սպորտի և կրթության բաժնի տեսուչներ, ցեղասպանության զոհ դարձածների ժառանգներ: Միջոցառման վերջում իր շնորհակալական խոսքն ասաց դպրոցի տնօրեն Ն. Նիկողոսյանը: