«Դպրոց կենտրոնների միություն» իրավաբանական անձանց միության առաջարկով Կապանի հ.13 հիմնական դպրոցում կազմակերպեց միջոցառում նվիրված Սուրբ Հարության տոնին:
Կապանի N13 հիմնական դպրոց III ա դասարան
Հիսուսի հրաշափառ հարության տոնը Սուրբ Զատիկը հայեցի դաստիարակության հրաշալի օրինակ է: Այս տոնակատարութությունը իր մեջ ամփոփում է հայկական գեղեցիկ սովորույթներ, կենցաղային ավանդույթներ, անգամ զուտ հայկական ուտեստների պատրաստման և հյուրասիրման տարրեր:Այն շատ կարևոր է բարոյական և գեղագիտական դաստիարակություն տալու, նաև անցյալի պատմությանը ծանոթանալու, սովորելու, գնահատելու տեսակետից: Մենք նպատակադրել ենք դասղեկի ժամերին անդրադառնալ եկեղեցական տոներին, դրանք սրտամոտ են երեխաներին: Այս դաս-միջոցառման արդյունքում աշակերտների մանկական մաքուր ու ջինջ հոգեաշխարհը հարստացավ նոր հույզերով, ձեռք բերեցին նորանոր գիտելիքներ: Աշակերտները իրազեկ եղան, Սուրբ Զատկի խորհրդին, թե ինչու է խորհրդանշում ձուն, նրա կարմիր գույնը: «Սուրբ Զատիկ»-ը բնութագրեցին, որպես մարդկային իղձերի անմահության հավիտենական կյանք, հույսի ու հավատքի տոն: Իմացան, որ Հարության տոնը հատուկ է միայն քրիստոնյաներին, որ հայ ժողովուրդը աշխարհի առաջին ազգերից էր, որ հավատաց ու իր կյանքով վկայեց Քրիստոսի հարությունը, Քրիստոսի հրաշափառ հարությունը հայ քրիստոնյայի համար մի գեղեցիկ առիթ է՝ վերանորոգվելու և ուխտվելու:
Հավատում ենք, որ հարության լույսով զորացած մեր հայրենիքում մեզ մշտապես ուղեկից կլինեն հույսը, հավատը և սերը:
Քրիստոս հարյավ ի մեռելոց:
Օրհնյալ է հարությունը քրիստոսի: